Издание дасямын Финляндиысь М. А. Кастрен нимо финн лулчеберетъя Огазеяськонлэн грант коньдонэныз, Финляндиысь дышетонъя но лулчеберетъя Министерстволэн финансовой юрттэменыз.

Удмурт Элькунысь Йӧскалык лыдӟетъюртэн дасям «Туала удмурт гожъяськисьёс» мультимедиа биобиблиографической ӵектос луонлык сётэ туала удмурт литература сярысь огъя тодон-валан басьтыны но удмурт гожъяськисьёслэн творчествоенызы тодматскыны.

Ӵектосэ пыризы 39 гожъяськисьёслэн нимъёссы, котькудӥзлэн персональной бамазы шедьтыны луэ:

• улон сюрессы но творчествозы сярысь справка (гожтос дасямын печатлам материалъёс вылэ пыкиськыса);
• авторъёслэн тужгес но характерной луись произведениосысьтызы люкетъёс;
• гожъямъёссылэн библиографической описанизы, улэмзы но творчествозы сярысь потэм публикациослэн описанизы ӟуч но удмурт кылъёсын, библиографической описаниысь меӵак выжыны луэ Удмурт Элькунысь Йӧскалык электрон библиотекаысь полнотекстовой материалъёс вылэ;
• гожъяськисьёслэн туспуктэмъёссы;
• аудиозапись (улонзы сярысь мадён, кылбуръёссэс яке мукет произведениысь люкетъёсты лыдӟон).

Издание пӧртэм лыдӟиськисьёслы сӥземын. Со юрттэт луоз вылӥ дышетсконниосысь студентъёслы, дышетӥсьёслы но школаосын дышетскись пиналъёслы, библиотекаын ужасьёслы.